منیم شهریمده ن دونیادا یانلیز بیر دنه وار
ائله اونا گوره
دونیانین گوزو و جیرناقی اونا باخیر!
منیم شهریمده ، کاسیبلار ، دولتلی لری قوووبلار
ائله اوناگوره
بو قدر دولتلی اولوبلار!
منیم شهریمده نئچه جوره دانیشگاه وار
ائله اوناگوره
ساوادلی لاری بو قدر ساوادلی دیر!
منیم شهریمده ماهواره قدغندیر
ائله اوناگوره
داملاردا بیر دنه ده اولسون بشقاب تاپیلماز!
منیم شهریمده حاجی خانیم مری کوری اولا بیلمیر
ائله اوناگوره
ایکی ـ اوچ ایلدن بیر مکه یه گئدیب ، اورادان قاییتماق خبرینی یکه پارچایا یازیب و کوچه اهلینه اعلام ائله ییر!
منیم شهریمده قیزلارین کبینی ۱۳۵۷ سکه دیر
ائله اوناگوره
ایندیه قدر طلاق ادلی بیر شی گورونمه ییب!
منیم شهریمده مسئوللار گئجه گوندوز مسکن مسئله سینه فیکیرله شیر
ائله اوناگوره
ائوین قیمتی گونو گونده ن اوجوزلاشیر!
منیم شهریمده هله ده اینسانلار فالچی لارا اینانیر
ائله اوناگوره
هامی بیر بئله خوشبخت یاشاییر!
منیم شهریمده .....
SELAMLAR ILGAR BEY,
TESEKKUR EDERIZ SIZIN YAPDIGINIZ ISLERDEN BU WEBLOGI QURMAG ICIN.
ISTDIM BILEM DAN YILDIZIN ANLAMINI.
TESEKKUR EDERIM BANA AYDINLADA BILSEZ
HOSCAGALIN ALLAHA ISMARLADIM SIZI